„ქართული ოცნების“ საარჩევნო კამპანიის ფარგლებში, ლანჩხუთში მოსახლეობასთან შეხვედრები გრძელდება

პარტია „ქართული ოცნების“ გურიის დელეგატი, ვასილ ჩიგოგიძე, ლანჩხუთის საარჩევნო შტაბის ხელმძღვანელი, ალექსანდრე სარიშვილი, საკრებულოს თავმჯდომარე, ბესიკ ტაბიძე და სახელმწიფო რწმუნებული გურიის მხარეში, გიორგი ურუშაძე შტაბის წევრებთან ერთად ნინოშვილის და ნიგვზიანის ადმინისტრაციული ერთეულების მოსახლეობას შეხვდნენ, - ინფორმაციას „ქართული ოცნების“ ავრცელებს.

უწყების ინფორმაციით, შეხვედრებზე მოქალაქეთა საჭიროებებს გაეცნნენ, ისაუბრეს „ქართული ოცნების“ სახელისუფლებო გუნდის მიერ განხორციელებულ, მიმდინარე და დაგეგმილ ინფრასტრუქტურულ პროექტებზე და საპარლამენტო არჩევნებში გამარჯვების მნიშვნელობაზე.

"არჩევნებში გამარჯვებით, ჩვენს პოლიტიკურ გუნდთან ერთად, ყველაფერს გავაკეთებთ იმისთვის, რომ ჩვენი რეგიონის და მუნიციპალიტეტების უფრო მეტი განვითარება და კეთილდღეობა თითოეულმა თქვენგანმა იგრძნოს. მადლობა ნდობისთვის და ძლიერი მხარდაჭერისთვის“, - მიმართა ვასილ ჩიგოგიძემ მოსახლეობას.