პროტესტი დაწყებულია! გაუქმდება თუ არა ბიჭვინთის სახელმწიფო აგარაკის რუსეთისთვის გადაცემის შესახებ, გამთენიისას მიღებული გადაწყვეტილება - ბოლო ინფორმაცია ოკუპირებული აფხაზეთიდან

ოკუპირებული აფხაზეთის ე. წ. პარლამენტმა გამთენიისას მოახდინა „რუსეთ-აფხაზური შეთანხმების“ რატიფიცირება, რომლითაც ბიჭვინთის ყოფილი სახელმწიფო აგარაკი რუსეთს გადასცა. ამის შესახებ დე ფაქტო საკანონმდებლო ორგანოს სპიკერმა ლაშა აშუბამ „პარლამენტის“ შენობასთან 26 დეკემბრის საღამოდან შეკრებილ ხალხს აცნობა, რომლებიც შეთანმების რატიფიცირებას ეწინააღმდეგბოდნენ.

„ყველანი ვღელავდით ამ ვითარების გამო. პარლამენტის დეპუტატებიც ძალიან განიცდიდნენ. დღეს ჩვენ რამდენიმე დელეგაცია მივიღეთ, ამ შეთანხმების მიღების რამდენიმე შესაძლებლობა განვიხილეთ რესპუბლიკის უსაფრთხოებისთვის.

პირველი საკითხი დაკავშირებულია კოორდინაციასთან, რუსეთის მხარის მიერ იყო მიღებული და ჩვენ ჩაგვბარდა დარჩა „მესამე პირებთან“ დაკავშირებული საკითხი. შედგა ხელისუფლებისა და ოპოზიციის შესაბამისი შეხვედრა, რომელზეც ჩვენ კონსესუსზე დამყარებული დოკუმენტი მივიღეთ, ესენია ცვლილებები შესაბამის კანონებში, საერთაშორისო შეთანხმებების შესახებ კანონში, სამოქალაქო კოდექსში და სპეციალურ კონსტიტუციურ კანონში, რომელიც კონკრეტულად სახელმწიფო აგარაკის გადაცემას შეეხება, სადაც მითითებულია, რომ ობიექტის მესამე პირებისთვის გადაცემის შემთხვევაში ხელშეკრულება უქმედება და საკუთრება უბრუნდება აფხაზეთის რესპუბლიკას, ასეთი გადაწყვეტილება განიხილეს ხელისულუფლებისა და ოპოზიციის შეხვედრაზე“, -თქვა აშუბამ.

„დეპუტატებს არ სურდათ კენჭისყრა მხოლოდ შეცვლილ კოორდინატებზე, მოგვიანებით მივიდნენ კონსენსუსამდე, რომ დეპუტატები ხმას მისცემდნენ შეთანხმებას შეცლილი კოორდინატებით და იმ პირობით. რომ ობიექტის მესამე მხარისთვის გადაცემა იქნება დაუშვებელი. რიგგარეშე სესიაზე, რომელსაც 28 დეპუტატი ესწრებოდა, სამი კანონი მივიღეთ და 26 ხმით მოვახდინეთ შეთანხმების რატიფიცირება ( დე ფაქტო პარლამენტში სულ 35 დეპუტატია - რედ.). ყველა დოკუმენტი მივიღეთ პირველი, მეორე და მესამე დასკვნით მოსმენით“, - დასძინა მან.

ე.წ. პარლამენტის სხდომაზე დასწრების უფლება მხოლოდ აფხაზეთის ტელევიზიის ჟურნალისტებს მიეცათ.

ოპოზიციონერებმა და საზოგადოების წარმომადგენელბმა დე ფაქტო პარლამენტის გადაწყვეტილებას "სამარცხვინო" უწოდეს და მისი გაუქმება მოითხოვეს. ყოფილი "ომბუდსმენის" ასიდა შაკრილის განცხადებით, მიღებული გადაწყვეტილება არალეგიტიმურია.

„მოხდა, ყველაზე საშინელი, რასაც მოველოდით, დეპუტატებმა უგულებელყვეს აფხაზეთის რესპუბლიკის კონსტიტუცია, ქვეყნის კანონები, დაარღვიეს კონსტიტუცია და კანონები. მათ დაარღვიეს ყველაფერი, რისი დარღვევაც შეიძლებოდა. პარლამენტის წევრებმა უნდა დაასაბუთონ, რატომ მიიღეს ეს გადაწყვეტილება - რიგგარეშე სხდომის ღამით ჩატარების შესახებ, მათ უნდა დაესაბუთებინათ ამ სხდომის კანონიერება“, - განუცხადა შაკრილმა ჟურნალისტებს.

მანამდე ოკუპირებული აფხაზეთის ე.წ საგარეო საქმეთა მინისტრმა ინალ არძინბამ განაცხადა, რომ შეთანხმებაში ყველა საჭირო ტექნიკური შესწორება განხორციელდა „რუსეთისა და აფხაზეთის საგარეო საქმეთა სამინისტროებს შორის ნოტების გაცვლის გზით“, რაც, მისი თქმით, „შეესაბამება საერთაშორისო სამართლის ზოგადი ნორმებს, ასევე ვენის 1969 წლის 23 მაისის კონვენციას საერთაშორისო ხელშეკრულებების შესახებ“.

რუსეთის ე.წ. ელჩმა მიხეილ შურგალინმა განაცხადა, რომ შეთანხმება არ ითვალისწინებს რუსეთის ფედერაციისთვის იმ მიწის გადაცემას, რომელზეც ობიექტი მდებარეობს.

„ტერიტორია იჯარით არის გაცემული 49 წლით. საკუთრებაში გადავა მხოლოდ შენობები, რომელთა მოვლა-შეკეთებას რუსეთის უშიშროების ფედერალური სამსახური განახორციელებს“, - განაცხადა დიპლომატმა.

მისი თქმით, „მოსახლეობის უმრავლესობისთვის ეს ობიექტი ასოცირდება რუსეთის პრეზიდენტ ვლადიმირ პუტინთან, რომელმაც არაერთხელ გამართა სამუშაო შეხვედრები სახელმწიფო აგარაკში, ასევე საგარეო საქმეთა მინისტრ სერგეი ლავროვთან“.

აფსნიპრესის თანახმად. შეთანხმების რატიფიცირებას 28 ე.წ დეპუტატიდან 26-მა დაუჭირა მხარი.

რუსეთის მიერ ოკუპირებული აფხაზეთის ე.წ. პარლამენტის შენობასთან ბიჭვინთის აგარაკის რუსეთისთვის გადაცემის შესახებ შეთანხმების რატიფიკაციის მოწინააღმდეგეებმა შეკრება სოხუმში 26 დეკემრის საღამოს დაიწყეს მანამდე ცნობილი გახდა, რომ საკითხის განხილვა 28 დეკემბრის ნაცვლად, 27 დეკემბერს გადაწყდა.