პარტია „ქართული ოცნება - დემოკრატიული საქართველოს“ წინასაარჩევნო კამპანიის ფარგლებში შეხვედრები ქობულეთის მოსახლეობასთან გრძელდება

„ქართული ოცნება- დემოკრატიული საქართველოს“ ქობულეთის დელეგატი გია ჭყონია ქობულეთში აღმაშენებლის ქუჩის, ასევე სოფელ ქობულეთისა და კვირიკეში, ვერულიძეების დასახლებაში მცხოვრებ მოსახლეობას შეხვდა, - ინფორმაციას „ქართული ოცნება - დემოკრატიული საქართველო“ ავრცელებს.

„შეხვედრებზე დელეგატმა 26 ოქტომბრის არჩევნების მნიშვნელობაზე ისაუბრა. განიხილეს არსებული პრობლემები, ისაუბრეს მათი გადაჭრის გზებზე.

„ქართული ოცნების“ წარმომადგენლებმა მოქალაქეების მიერ დასმულ შეკითხვებს უპასუხეს და მათ სამომავლო გეგმებთან დაკავშირებით მიაწოდეს ინფორმაცია. შეაჯამეს სოფლებში განხორციელებული პროექტები“, - აღნიშნულია გავრცელებულ ინფორმაციაში.