პარლამენტში დღევანდელ პლენარულ სხდომაზე რამდენიმე კანონპროექტს განიხილავენ

პარლამენტში დღევანდელი პლენარული სხდომა განცხადებებით დაიწყება, შემდეგ კი დეპუტატები რამდენიმე კანონპროექტს პირველ მოსმენაზე განიხილავენ.

სხდომის დღის წესრიგში სავარაუდოდ, შევა შემდეგი საკითხები - საარჩევნო კოდექსი, ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის გაუქმების შესახებ კანონპროექტი, „კანონთან კონფლიქტში მყოფ არასრულწლოვანთა რეაბილიტაციისა და მხარდაჭერის შესახებ“ კანონი, პოლიციის, ასევე იარაღის შესახებ კანონპროექტი და სხვა.

ხვალ პარლამენტი პრემიერ-მინისტრ ირაკლი კობახიძეს, ინტერპელაციის წესით მოუსმენს.