პარლამენტმა „ბავშვის უფლებათა კოდექსში“ ცვლილება პირველი მოსმენით მიიღო

პარლამენტმა  „ბავშვის უფლებათა კოდექსში“  ცვლილება პირველი მოსმენით, 80 ხმით მიიღო.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის,  რატი იონათამიშვილის განცხადებით, ცვლილება ტექნიკური ხასიათისაა და ვადებს უკავშირდება.

კანონპროექტის მიღებით უზრუნველყოფილი იქნება „ბავშვის უფლებათა კოდექსის“ ცალკეულ ნორმათა მოქმედების შეჩერება 2027 წლის 1 იანვრამდე.