ოპოზიციის მხრიდან გეგმაზე მუშაობა ძალიან სასაცილოდ მიმდინარეობს, გულანთებული ადამიანები და პროფესიული ჯგუფები წაგებული არჩევნების აღსანიშნად გამოჰყავთ - ნინო წილოსანი

ოპოზიციის მხრიდან გეგმაზე მუშაობა ძალიან სასაცილოდ მიმდინარეობს, – ამის შესახებ პარლამენტის პირველმა ვიცე-სპიკერმა, ნინო წილოსანმა განაცხადა.

მისივე თქმით, უცნაური და სასოწარკვეთილი ქმედებაა ოპოზიციის კონსულტაციები სალომე ზურაბიშვილთან.

„გულანთებული ადამიანები და პროფესიული ჯგუფები წაგებული არჩევნების აღსანიშნად გამოჰყავთ. ვხედავთ სხვადასხვა ადამიანთა ჯგუფების ორგანიზებას. სალომე ზურაბიშვილთან მათი კონსულტაციები უცნაურია, სხვა არაფერია თუ არა სასოწარკვეთილი მოქმედება, რადგან მას უფლებამოსილება რამდენიმე კვირაში ეწურება“, – აღნიშნა წილოსანმა.