"მხოლოდ მშვიდობით, ღირსებით, კეთილდღეობით ევროპისკენ" – ამ სახელწოდებით სამთავრობო პროგრამასა და ახალ მთავრობას პარლამენტი დღეს ნდობას გამოუცხადებს

 "მხოლოდ მშვიდობით, ღირსებით, კეთილდღეობით ევროპისკენ" – ამ სახელწოდებით სამთავრობო პროგრამასა და ახალ მთავრობას პარლამენტი დღეს ნდობას გამოუცხადებს.

პრემიერ-მინისტრის პოსტზე კვლავ ირაკლი კობახიძის კანდიდატურაა წარდგენილი. განახლებულ მინისტრთა კაბინეტში სამი ახალი მინისტრი იქნება - საგარეო საქმეთა უწყების ხელმძღვანელად მაკა ბოჭორიშვილია დასახელებული, გარემოს დაცვისა და სოფლის მეურნეობის მინისტრად - დავით სონღულაშვილი; იუსტიციის მინისტრად კი ანრი ოხანაშვილი.

"ქართულ ოცნებაში" ამბობენ, რომ სამთავრობო პროგრამა ქვეყნის განვითარებასა და წინსვლაზეა ორიენტირებული და ერთხმად დამტკიცდება.