1736496209
"ერთიანობა - ნაციონალური მოძრაობის" ერთ-ერთი ლიდერი გიორგი ვაშაძე აკეთებს განცხადებას და თავის მხარდამჭერებს აქციაზე გამოსვლისკენ მოუწოდებს, რათა პროტესტს შეუერთდნენ - როგორც გიორგი ვაშაძე ამბობს, ისინი არიან ცოტანი და პროტესტი რომ გაგრძელდეს, უფრო მეტი ადამიანია საჭირო.
მელიქიშვილზე რჩებიან სამართალდამცავები, მათ წინ კი აქციის მონაწილეები იმყოფებიან.
ოპოზიციონერი ლიდერები ამბობენ, რომ ისინი არ აპირებენ პროტესტის შეწყვეტას და აქციის გაგრძელებას გეგმავენ. თუმცა, კონკრეტული სამოქმედო გეგმა როგორი იქნება - ჯერჯერობით უცნობია.
