მათთვის მნიშვნელოვანია, რომ ქვეყანა რეალურად იყოს კრიზისში... ამას ვერ ახერხებენ, თუმცა საკუთარი კრიზისი ნამდვილად მიიღეს - დიმიტრი ხუნდაძე ოპოზიციაზე

"მიუხედავად ოპოზიციის მხრიდან მორიგი ბულინგისა, რომ ეს ვიზიტი არ შემდგარიყო, გენმდივანი საქართველოში ჩამოვიდა. ის შეხვდა ხელისუფლების მაღალი პოლიტიკური თანამდებობის პირებს, მან მადლობაც კი გადაიხადა თანამშრომლობისთვის," - ამის შესახებ "ხალხის ძალის" წევრმა, დიმიტრი ხუნდაძემ განაცხადა.

მისივე განცხადებით, ოპოზიციის მიზანი ქვეყანაში რეალური კრიზისის შექმნაა.

"როგორც ჩანს, ის თავიდან არ აპირებდა ოპოზიციასთან შეხვედრას, რადგან ოპოზიციასაც არ გამოუთქვამს ამის სურვილი - პირიქით, გააგრძელეს მისი შეურაცხყოფა.

მათთვის მნიშვნელოვანია, რომ ქვეყანა რეალურად იყოს კრიზისში, მაგრამ ისინი ამას ვერ ახერხებენ, თუმცა საკუთარი კრიზისი ნამდვილად მიიღეს," - განაცხადა დიმიტრი ხუნდაძემ.