მათი დღის წესრიგი მთლიანად არის აგებული იმაზე, რომ სიტუაცია დაძაბონ, მეტი პოლარიზაცია, აჟიოტაჟი შემოიტანონ - ლევან მაჭავარიანი რადიკალურ ოპოზიციაზე

მათი დღის წესრიგი მთლიანად არის აგებული იმაზე, რომ სიტუაცია დაძაბონ, მეტი პოლარიზაცია, აჟიოტაჟი შემოიტანონ, - განაცხადა საპარლამენტო ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.

„გარე აქტორების მიერ გაკეთებული განცხადებები არის მათთვის ის მესიჯბოქსი, რაც შემდეგ უნდა ჩაშალონ და მთლიანად ამაზეა აგებული მათი წინასაარჩევნო კამპანია“, - აღნიშნა მაჭავარიანმა.

ძალადობა და მუქარა, ამომრჩეველთა მოსყიდვა, ადმინისტრაციული რესურსის გამოყენება, ნეგატიური კამპანია და კამპანიაში ხელის შეშლა, დეზინფორმაცია, უცხოური ჩარევა - პარლამენტის თავმჯდომარემ მონიტორინგის ანგარიში წარადგინა, სადაც დეტალურად არის საუბარი რადიკალური ოპოზიციისა და მასთან დაკავშირებული მიკერძოებული არასამთავრობო ორგანიზაციების წინასაარჩევნო დარღვევებზე.