მაკა ბოჭორიშვილი წინასაარჩევნო პროცესში გარე ჩარევებზე: ჩვენი შეფასებით, ეს ემსახურება მხოლოდ და მხოლოდ ერთ მიზანს - უპერსპექტივო ოპოზიციას რამენაირად შესძინონ პერსპექტივა

ჩვენი შეფასებით, ემსახურება მხოლოდ და მხოლოდ ერთ მიზანს - უპერსპექტივო ოპოზიციას რამენაირად შესძინონ პერსპექტივა, - განაცხადა პარლამენტის ევროპასთან ინტეგრაციის კომიტეტის თავმჯდომარემ მაკა ბოჭორიშვილმა წინასაარჩევნო პროცესში გარე ჩარევების ფაქტების კომენტირებისას.

„ჩვენ ვხედავთ განსაკუთრებულ აქტიურობას და აქტივობებს, შეიძლება ითქვას, უპრეცედენტოს, საქართველოსთან დაკავშირებით, რაც ჩვენი შეფასებით, ემსახურება მხოლოდ და მხოლოდ ერთ მიზანს - უპერსპექტივო ოპოზიციას რამენაირად შესძინონ პერსპექტივა", - განაცხადა მაკა ბოჭორიშვილმა.

„ქართული ოცნების“ პოლიტსაბჭოს წევრმა, პარლამენტის თავმჯდომარემ, შალვა პაპუაშვილმა დღეს გამართულ ბრიფინგზე წინასაარჩევნო გარემოზე ისაუბრა. მან აღნიშნა, რომ რაც უფრო ნათელი ხდება ოპოზიციის უუნარობა, მით უფრო იმატებს ქვეყნის გარედან საარჩევნო პროცესში ჩარევის სიხშირე და სიმწვავე.