ლევან მაჭავარიანი: მოლოდინი გვაქვს, რომ 2030 წელი როცა მოვა, იმ დროისთვის ვითარება რადიკალურად იქნება შეცვლილი. როგორც აშშ-ში გაიმარჯვა საღმა აზრმა, ამ ხუთი წლის განმავლობაში ევროკავშირიც მოახერხებს და საღი აზრი გაიმარჯვებს

დიდი იმედი, მოლოდინი გვაქვს, რომ 2030 წელი როცა მოვა, ევროკავშირის გაფართოების წელი, იმ დროისთვის იქ ვითარება რადიკალურად იქნება შეცვლილი, - განაცხადა „ქართული ოცნების“ თავმჯდომარის პირველმა მოადგილემ, ლევან მაჭავარიანმა. ჟურნალისტმა მას ჰკითხა, რა მოლოდინი აქვს ევროკომისიის გაფართოების ანგარიშთან დაკავშირებით.

„დარწმუნებული ვართ, როგორც ამერიკის შეერთებულ შტატებში გაიმარჯვა საღმა აზრმა, ამ ხუთი წლის განმავლობაში ევროკავშირიც მოახერხებს და საღი აზრი გაიმარჯვებს და დაუბრუნდება იმ ღირებულებებს, რის გამოც ევროკავშირში მივისწრაფვით“, - განაცხადა მაჭავარიანმა.

ევროკავშირის გაფართოების შესახებ დღეს ევროკომისიის ანგარიში გამოქვეყნდება.