ლევან კობიაშვილი რომ არ ყოფილიყო პარლამენტში და პრობლემები, რაც ფეხბურთში იყო იქამდე არ მიეტანა, ჩვენ ხომ არ გვექნებოდა ეს წარმატება, რაც დღეს გვაქვს - 150 კაცში ყველა იურისტი ვერ იქნება - ზუკა რურუა

150 კაცში ყველა იურისტი ვერ იქნება და ყველა იურიდიულ საკითხებზე ვერ იმუშავებს, - ასე უპასუხა შეკითხვას, რატომ არის საჭირო სპორტსმენი იყოს პოლიტიკაში, „ქართული ოცნების“ საარჩევნო კამპანიის ფარგლებში დელეგატმა ზუკა რურუამ გადაცემაში „იმედი LIVE“.

მისი თქმით, პარლამენტის საქმიანობაში აუცილებელია ნებისმიერი პროფესიის ადამიანი იყოს ჩართული.

„ლევან კობიაშვილი რომ არ ყოფილიყო პარლამენტში და ის პრობლემები, რაც ფეხბურთში იყო, არ მიეტანა იქ და უფრო სიღრმისეულად ესაუბრა ამაზე, ჩვენ ხომ არ გვექნებოდა ეს წარმატება, რაც დღეს გვაქვს“, - განაცხადა ზუკა რურუამ.