კულტურის კომიტეტმა 2025 წლის სამოქმედო გეგმის პრიორიტეტებისა და ძირითადი მიმართულებების შესახებ იმსჯელა

კომიტეტის თავმჯდომარის,  გიორგი გაბუნიას განცხადებით, კულტურის კომიტეტის სამოქმედო გეგმა ეფუძნება შემდეგ ძირითად მიმართულებებს: პოლიტიკის დოკუმენტების შემუშავება და კანონშემოქმედება; საზედამხედველო საქმიანობა; საზოგადოებასთან ურთიერთობა და კომუნიკაცია; კომიტეტის ორგანიზაციული განვითარება. შესაბამისად, კომიტეტს  შემუშავებული აქვს 4 სტრატეგიული მიზანი.

„კომიტეტის სტრატეგიული მიზნებია:  მტკიცებულებაზე დაფუძნებული პოლიტიკის დოკუმენტების შემუშავება და საკანონმდებლო საქმიანობის კოორდინირება; კომიტეტის საზედამხედველო საქმიანობის წარმართვა კანონის აღსრულების, ასევე დარგობრივი მიმართულებით მომუშავე სახელმწიფო ორგანიზაციების მუშაობის გასაუმჯობესებლად, კომიტეტის მიერ გაცემული რეკომენდაციების შესრულების მონიტორინგი;  კომიტეტის საქმიანობასა და დარგობრივი მიმართულებით არსებული სიახლეების შესახებ, დაინტერესებულ მხარეთა ინფორმირების გაზრდის მიზნით კომუნიკაციის გაუმჯობესება; კომიტეტის შიდა ორგანიზაციული შესაძლებლობების გაძლიერება მისი მანდატით განსაზღვრული საქმიანობის ეფექტიანად წარმართვისათვის“, - განაცხადა გიორგი გაბუნიამ.

სამოქმედო გეგმაში სტრატეგიული მიზნების განსახორციელებლად, ჯამში, 15 ამოცანაა.

კომიტეტმა მხარი დაუჭირა სამოქმედო გეგმას.