ირაკლი ქადაგიშვილი ოპოზიციის რეაქციაზე ალენ ბერსეს განცხადებებთან დაკავშირებით: ამ ადამიანებს აღიზიანებთ სიმართლის გაგონება

რადიკალურ ოპოზიციას აღიზიანებს სიმართლის გაგონება და ყველაფერი ის, რაც მათი ლიბერალური ფაშიზმის ხოტბისშემსხმელი არ არის, - განაცხადა საპარლამენტო უმრავლესობის წევრმა ირაკლი ქადაგიშვილმა „ქრონიკასთან“, რომელიც გამოეხმაურა ოპოზიციის მწვავე რეაქციას ევროპის საბჭოს გენერალური მდივნის ალენ ბერსეს განცხადებების შემდეგ.

„ამ ადამიანებს აღიზიანებთ სიმართლის გაგონება. ამ ადამიანებს აღიზიანებთ ყველაფერი ის, რაც მათი ლიბერალური ფაშიზმის ხოტბისშემსხმელი და საკმევლისა და გუნდრუკის მკმეველი არ არის“, - განაცხადა ქადაგიშვილმა.

ევროპის საბჭოს გენერალურმა მდივანმა დღეს გამართულ პრესკონფერენციაზე განაცხადა: „ყველა ძალა, როგორც უმრავლესობა, ასევე ოპოზიცია ვალდებულია ჩაერთოს დიალოგში, დაიცვას და პატივი სცეს დემოკრატიულ პრინციპებს“.