ირაკლი კობახიძე: ლარის კურსი არის სტაბილური, მყარი, 8 მილიარდს გადააჭარბა სავალუტო რეზერვების მოცულობამ, ეს ყველაფერი არის ეროვნული ბანკისა და მისი პრეზიდენტის დამსახურება

ირაკლი კობახიძე

ლარის კურსი არის სტაბილური, მყარი და ყველა მიმართულებით ეროვნული ბანკი მუშაობს წარმატებით, ვავსებთ ძალიან დიდი მოცულობით სავალუტო რეზერვებს, 8 მილიარდს გადააჭარბა სავალუტო რეზერვების მოცულობამ, ეს ყველაფერი არის ეროვნული ბანკის და მისი პრეზიდენტის დამსახურება, – ამის შესახებ საქართველოს პრემიერ-მინისტრმა, ირაკლი კობახიძემ ბიზნესასოციაციის კონფერენციაზე – „ბიზნესგარემო საქართველოში, დიალოგი მთავრობასა და ბიზნესს შორის“ სიტყვით გამოსვლისას განაცხადა.

მთავრობის მეთაურმა მადლობა გადაუხადა ეროვნული ბანკის პრეზიდენტს და აღნიშნა, რომ მიუხედავად სერიოზული გლობალური გამოწვევებისა, სტაბილურობის უზრუნველყოფა მაინც მოხერხდა.

„ვისარგებლებ შემთხვევით და ეროვნული ბანკის პრეზიდენტს გადავუხდი მადლობას ძალიან წარმატებული, ეფექტიანი პოლიტიკისთვის, ინფლაციური პროცესების სწორად წარმართვისთვის. მიუხედავად იმისა, რომ იყო სერიოზული გლობალური გამოწვევები, ჩვენ მოვახერხეთ ამ კუთხით სტაბილურობის უზრუნველყოფა. ლარის კურსი არის სტაბილური, მყარი და ყველა მიმართულებით ეროვნული ბანკი მუშაობს წარმატებით, ვავსებთ ძალიან დიდი მოცულობით სავალუტო რეზერვებს, 8 მილიარდს გადააჭარბა სავალუტო რეზერვების მოცულობამ. ეს ყველაფერი არის ეროვნული ბანკის და მისი პრეზიდენტის დამსახურება და მადლობა მას ამისათვის“, – განაცხადა ირაკლი კობახიძემ.

✕