ირაკლი ჭეიშვილი: კარგად იცით, როგორ მართავდა „ნაციონალური მოძრაობა“, შედარებაც არ შეიძლება, რა დღეში ჰყავდათ ქვეყანა და როგორია დღეს, ქვეყანა ვითარდება და ამას ყველა ხედავს

„ნაციონალური მოძრაობის“ დროს ქვეყანა ომშიც ჩართეს, ატერორებდნენ ბიზნესს, ქუჩაში ადამიანებს ხვრეტდნენ, მსგავსი რამ არ ხდება და არც მოხდება, ამის გარანტი „ქართული ოცნებაა“, – ამის შესახებ საპარლამენტო უმრავლესობის წევრმა, ირაკლი ჭეიშვილმა განაცხადა.

„კარგად იცით, 2012 წლის პირველ ოქტომბრამდე როგორ ცხოვრობდა მოსახლეობა, როგორ ტერორში და როგორ მართავდა „ნაციონალური მოძრაობა“ ცხრა წლის განმავლობაში ქვეყანას. შედარებაც კი არ შეიძლება, თუ რა დღეში ჰყავდათ ქვეყანა და როგორია დღეს. როგორ ვითარდება ქვეყანა, სიტყვის თავისუფლება და დემოკრატიული პროცესები. ვხედავთ, როგორი პროგრესი გვაქვს, წინსვლა. ეს მაშინ, როცა რადიკალურმა ოპოზიციამ ყველაფერი გააკეთა იმისთვის, რომ ქვეყანა უკან წაეყვანა, სტაგნაცია უკან ყოფილიყო. „ნაციონალური მოძრაობის“ დროს ქვეყანა ომშიც ჩართეს, ატერორებდნენ ბიზნესს, ქუჩაში ადამიანებს ხვრეტდნენ. მსგავსი რამ არ ხდება და არც მოხდება, ამის გარანტი „ქართული ოცნებაა“. რადიკალები რას იტყვიან, ერთია, მაგრამ საზოგადოება ხედავს, რა ხდება. ამის საზომი არჩევნებია და უკვე 14 წელია, ჩვენ ხელისუფლებაში ვართ. ანუ, ამაზე დიდი საზომი არ არის მოსახლეობისთვის და ჩვენი ქვეყნისთვის. ქვეყანა ვითარდება და ამას ყველა ხედავს“, – განაცხადა ირაკლი ჭეიშვილმა.