ილია დარჩიაშვილი: მთავარი ლაიტმოტივი, რაც პრემიერის გაეროში გამოსვლებს სდევდა თან, არის ჩვენი მომავალი ძალისხმევა, ვიცხოვროთ მშვიდ, განვითარებულ ქვეყანაში

ძალიან მნიშვნელოვანია, რომ სწორედ დღეს, უსაფრთხოების თვალსაზრისით ძალიან რთულ გარემოში, გვქონდა შესაძლებლობა პრემიერ-მინისტრის დონეზე ამ ძალიან მნიშვნელოვან პლატფორმაზე მიგვეღო მონაწილეობა, - განაცხადა საქართველოს საგარეო საქმეთა მინისტრმა ილია დარჩიაშვილმა პრემიერის გაეროს გენერალურ ასამბლეაზე დასწრების შეჯამებისას.

„მთავარი ლაიტმოტივი, რომელიც პრემიერ-მინისტრის გამოსვლებს სდევდა თან, იყო ჩვენი მომავალი ძალისხმევა, რომ ვიცხოვროთ მშვიდ, განვითარებულ ქვეყანაში, რომელიც სარგებელს მოუტანს თითოეულ ჩვენს მოქალაქეს“, - აღნიშნა მინისტრმა.