ევროკომისიამ, რომელმაც უნდა მიიღოს საბოლოო გადაწყვეტილება, თქვა, რომ არსებობს მაღალი რისკი, საქართველოს შეუჩერდეს უვიზო მიმოსვლა - ჩვენი პოზიციაა, რომ ქართველმა ხალხმა არ უნდა დაკარგოს უვიზო მიმოსვლა - გრიგოლ გეგელია

"ევროკომისიამ თქვა, რომ მაღალი რისკი არსებობს, საქართველოს შეუჩერდეს უვიზო მიმოსვლა", - ამის შესახებ პარტია "ლელო - ძლიერი საქართველოს" საერთაშორისო მდივანმა, გრიგოლ გეგელიამ განაცხადადა.

მისივე თქმით, რისკი მაღალია, თუმცა პარტიაში ფიქრობენ, რომ ქართველი ხალხს უვიზო რეჟიმი არ უნდა შეუჩერდეს.

"იმან, ვინც უნდა გააჩეროს [უვიზო მიმოსვლა], თქვა, რომ ძალიან მაღალი რისკია. თუ ევროკომისიამ თქვა, ესე იგი რისკი ყოფილა მაღალი, ევროკომისიამ უნდა მიიღოს საბოლოო გადაწყვეტილება.

ჩვენი პოზიცია არის, რომ ქართველმა ხალხმა არ უნდა დაკარგოს უვიზო მიმოსვლა", - განაცხადა გრიგოლ გეგელიამ.