ეს ყველაფერი გაგრძელდება მანამ, სანამ ერთადერთი გამოსავალი არ იქნება გამონახული - ახალი არჩევნები - ნიკა მელია

ჭავჭავაძის გამზირის და ვარაზისხევის დამაკავშირებელი გზაჯვარედინი ისევ პარალიზებულია. გაშლილია კარვები - ადგილზე რჩებიან ოპოზიციური პარტიების ლიდერები.

ხელახალი არჩევნების მოთხოვნით, პროტესტის ახალ ფორმას გუშინ საღამოს მიმართეს - დაანონსებულია, რომ აქცია 24 საათი გაგრძელდება. როგორი იქნება შემდეგი ნაბიჯები- ამაზე ინფორმაცია დღეს საღამოს, 20:00 საათზე გახდება ცნობილი.

"ხელისუფლების წინააღმდეგ დაუმორჩილებლობაა. პროტესტი გადავიდა ახალ ეტაპზე, მისი ინტენსივობა და მისი მასშტაბი უფრო გაძლიერდება და გაგრძელდება ეს ყველაფერი მანამ, სანამ ერთადერთი გამოსავალი არ იქნება გამონახული ახალი არჩევნები", - აცხადებს "კოალიცია ცვლილებისთვის - გვარამია, მელია, გირჩი, დროა" თავმჯდომარე ნიკა მელია.