დიმიტრი ხუნდაძე: „ნაცმოძრაობა“ და მისი ანასხლეტები სამართლებრივადაც ისე უნდა გაირიყონ, როგორც საზოგადოება რიყავს მათ პოლიტიკურად ყველა არჩევნებზე

„იმ პოლიტიკურ პარტიებს, რომლებიც მავნებლობენ და ძალადობენ, როგორც ხელისუფლებაზე, ასევე, საზოგადოებაზე და ზოგადად, ქვეყანაზე, რა თქმა უნდა, უნდა აეკრძალოთ პოლიტიკური მოღვაწეობა“, - განაცხადა მედიასთან საპარლამენტო პოლიტიკური ჯგუფ „ხალხის ძალის“ თავმჯდომარემ დიმიტრი ხუნდაძემ.

მისი თქმით, ასეთი პოლიტიკური პარტიები საკანონმდებლო დონეზე უნდა იკრძალებოდეს.

„ასეთი პარტიები უკვე კარგად ნაცნობია საზოგადოებისთვის და ისინი სამართლებრივადაც ისე უნდა გაირიყონ, როგორც საზოგადოება რიყავს მათ პოლიტიკურად ყველა არჩევნებზე.

არცერთ არჩევნებზე მათ მხარს არ უჭერენ, რადგან ისინი ერთი მრწამსით არიან - როგორ ავნონ ქვეყანას, როგორ დააზიანონ, როგორ დაემორჩილონ გარე ძალებს და დაამორჩილონ საკუთარი ქვეყანაც. ამიტომ, ასეთი პოლიტიკური პარტიები საკანონმდებლო დონეზე უნდა იკრძალებოდეს, რომ მათ პოლიტიკური მოღვაწეობის არავითარი, მათ შორის, არც სამართლებრივი საშუალება არ ჰქონდეთ“, - განაცხადა დიმიტრი ხუნდაძემ.