დავით მათიკაშვილი: გახარიას პარტია საკუთარ თავს სასაცილოდ იხდის, იმ პოლიტიკის გაგრძელება უნდათ, რასაც კოლექტიური „ნაცმოძრაობის“ ერთი ფრთის დავალების შესრულება ჰქვია

გახარიას პარტია საკუთარ თავს სასაცილოდ იხდის, თან პარლამენტთან დაკავშირებული ბენეფიტების გამოყენება უნდათ და თან დეგრადირებულ, პოლიტიკურად არასწორ გზას თავს არ ანებებენ, სადაც პარლამენტის ლეგიტიმაციის საკითხი კითხვის ქვეშ დააყენეს, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარე დავით მათიკაშვილმა საქართველოს პირველ არხს განუცხადა.

მათიკაშვილის თქმით, გახარიას პარტიას იმ პოლიტიკის გაგრძელება უნდა, რასაც კოლექტიური „ნაცმოძრაობის“ ერთი ფრთის დავალების შესრულება ჰქვია.

„თუ არალეგიტიმურია, პარლამენტში რა უნდათ? მათ იმ პოლიტიკის გაგრძელება უნდათ, რასაც კოლექტიური „ნაცმოძრაობის“ ერთი ფრთის დავალების შესრულება ჰქვია. როგორც ჩანს, მათ ეს დავალება ქვეყნის ფარგლებს გარედან დავალებების მიმცემლებისგან მიიღეს“, – განაცხადა დავით მათიკაშვილმა.

პარტიის „გახარია საქართველოსთვის“ წევრები დღეს პარლამენტში მივიდნენ.