ჩვენი გუნდის საარჩევნო სია დაკომპლექტებულია ადამიანებით, რომელთაც რაც ყველაზე მთავარია, ქვეყნის სიყვარული და პატიოსნება აქვთ - კახა კალაძე

თბილისის მერი კახა კალაძე მედიასთან „ქართული ოცნება - დემოკრატიული საქართველოს“ მიერ წარმოდგენილ საარჩევნო სიას გამოეხმაურა. მისივე შეფასებით, აღნიშნული სია წარმატებული და პროფესიონალი ადამიანებისგან შედგება.

„ჩვენი გუნდის საარჩევნო სია დაკომპლექტებული არის წარმატებული, პროფესიონალი ადამიანებით. ყველაზე მთავარი - მათ აქვთ ქვეყნის სიყვარული, პატრიოტიზმი და პატიოსნება. შესაბამისად, ერთადერთი პოლიტიკური ძალა არის „ქართული ოცნება - დემოკრატიული საქართველო“, რომელიც მოახლოებულ არჩევნებს კონსტიტუციური უმრავლესობით მოიგებს“, - განაცხადა კახა კალაძემ.