ჩვენ ცოტანი კი არა, ყველაზე ვაჟკაცები, მაგრები, მამაცები და მებრძოლები ვართ, ეს ბრძოლა შედეგს გამოიღებს - ხაბეიშვილი

„თავისუფლება მიშას“ - ამ მოწოდებით საქართველოს მესამე პრეზიდენტის, მიხეილ სააკაშვილის მხარდამჭერი აქცია სენაკშიც გაიმართა. ,,ნაციონალური მოძრაობის“ ლიდერები და მხარდაჭერები მერიის ადმინისტრაციულ შენობასთან შეიკრიბნენ. შეკრებილებმა კიდევ ერთხელ მოითხოვეს მიხეილ სააკაშვილის გათავისუფლება. მათი თქმით, მესამე პრეზიდენტის თავისუფლება ქვეყნის თავისუფლებას ნიშნავს.

ხაბეიშვილის თქმით, საბოლოო ჯამში, ეს ბრძოლა შედეგს გამოიღებს.

„რუსული ოცნება“ მუდმივად ამბობს, რომ ნახე, ესენი ცოტანი არიან, იმას კი არ ამბობენ, რომ საქართველოს მოსახლეობის 80%-ს წარმოვადგენთ, რომელსაც უნდა ევროკავშირში და არ უნდა ამ ქვეყნის გარუსება, ემიგრაციაში გაქცევა, ვისაც არ უნდა გაჭირვება, საყდრისის აფეთქება, გელათის განადგურება, ჩვენი შვილების რუსული მომავალი. ამას კი არ ამბობენ. ისინი ამბობენ, რომ აი, შეხედეთ, ისინი ცოტანი არიან. ცოტანი კი არა, ყველაზე ვაჟკაცები, მაგრები, მამაცები, პატრიოტები და მებრძოლები ხართ. საბოლოო ჯამში, ეს ბრძოლა გამოიღებს შედეგს“, – განაცხადა ლევან ხაბეიშვილმა.