არჩილ გორდულაძე: ამბობდნენ, რომ არ ენდობიან საგამოძიებო სამსახურებს და უცხოეთიდან მოწოდების შემდეგ, რომ თუ მართლები ხართ მაშინ ითანამშრომლეთ გამოძიებასთანო, იკადრეს და უწყებაში მივიდნენ

ეს ადამიანები, ჯერ ამბობენ, რომ არ ენდობიან საგამოძიებო სამსახურებს და უცხოეთიდან მოწოდების შემდეგ, რომ თუ მართლები ხართ მაშინ ითანამშრომლეთ გამოძიებასთანო, იკადრეს და მივიდნენ, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილე არჩილ გორდულაძემ არჩევნებში დარღვევების შესახებ ოპოზიციის ბრალდებებზე საუბრისას.

„არავითარი საფუძველი არ ჰქონიათ, არავითარი მტკიცებულებები არ მიუტანიათ და ზოგადად შემოიფარგლეს, რომ საქვეყნოდ ცნობილია დარღვევების შესახებ და თავად მოიძიეთო“, - აღნიშნა გორდულაძემ.