არავის არავინ ჩამოჰყავს, თუ ვინმე ჩამოდის, ჩამოდის საკუთარი ნება-სურვილით - ლევან სანიკიძე სააკაშვილის მოწოდებებზე

მიხეილ სააკაშვილი შეტევაზე და ზეწოლის გაძლიერებაზე საუბრობს.

"ხალხი თუ ჩამოგვყავს რეგიონებიდან, უკან არ უნდა გავუშვათ გამარჯვების გარეშე, მოქმედება, შეტევა, ზეწოლა, ბოლომდე კედელთან მიყუჟება," - აცხადებს ექსპრეზიდენტი, რომელმაც განცხადებები საზღვრის უკანონო კვეთის საქმეზე მიმდინარე პროცესზე გააკეთა.

შეფასებები გაკეთდა თავად "ნაციონალური მოძრაობაში":

"არავის არავინ არ ჩამოჰყავს, თუკი ვინმე ჩამოდის, ჩამოდის საკუთარი ნება-სურვილით. მე ვიყავი ძალიან ამაყი, რადგან ამ მარშის მონაწილეც ვიყავი, სადაც ვნახეთ ის გრანდიოზული ეროვნული სულის გამოვლინება - რაც იყო ხორუმის ცეკვა. სწორედ ამ სილაღით, პრინციპულობით და ამ შეუვალი პატრიოტიზმით აღწევს ქართული საზოგადოება იმ წარმატებას, რასაც ჰქვია "ქართული ოცნების" მაღალჩინოსნების სანქცირება, ეუთო/ოდირის დასკვნაში ამ ყველაფრის ასახვა. რაც შეეხება რადიკალურ ნაბიჯებს, მე ვერ დავარქმევდი რადიკალურ ნაბიჯს ნებისმიერი სამთავრობო შენობის წინ აქციების ჩატარებას," - აცხადებს პლატფორმა "ერთიანობა - ნაციონალური მოძრაობა" წევრი ლევან სანიკიძე.