აქციის მონაწილეების ნაწილმა იუსტიციის სახლთან გადაინაცვლა

რუსთაველის გამზირიდან აქციის მონაწილეების ნაწილმა იუსტიციის სახლის მიმდებარე ტერიტორიაზე გადაინაცვლა და გზა გადაკეტა. ისინი აჩერებენ ავტომობილებს და მძღოლებს არწმუნებენ შეუერთდნენ მათ პროტესტს.

ადგილზე მობილიზებულები არიან სამართალდამცველები.

ცნობისთვის, რუსთაველის გამზირზე მიმდინარე აქცია სპეციალური დანიშნულების რაზმის წარმომადგენლებმა წყლის ჭავლისა და ცრემლსადენი გაზის გამოყენებით დაშალეს.