აქციაზე ძალის გამოყენების არანაირი საფუძველი არ არსებობდა, თუ ვინმე უკანონოდ იქცეოდა, მათ არაფერი აქვთ საერთო მშვიდობიან მანიფენსტანტებთან - პაატა მანჯგალაძე

„სტრატეგია აღმაშენებლის“ წევრის, პაატა მანჯგალაძის განცხადებით, რუსთაველის გამზირზე მიმდინარე აქციისას ძალის გამოყენების არანაირი საფუძველი არ არსებობდა.

მისივე თქმით, ოპოზიციის გეგმაა მშვიდობიანი პროტესტის გზით ხელისუფლების ჩამოშორება.

„პროტესტი უნდა იყოს, რადგან ქვეყანას აბარებენ რუსეთს. თუ ვინმე უკანონოდ იქცეოდა, ასეთი ადამიანები თუ იყვნენ, არაფერი საერთო არ აქვს მშვიდობიან მანიფენსტანტებთან, ვინც პროტესტი გამოხატა რუსული კანონის წინააღმდეგ. მოვეშვათ პროპაგანდას, რომ ვიღაცებმა რაღაც არიეს. ეს ვინც გააკეთა, იყო სუს-ის მიერ ორგანიზებული ჯგუფი, რომელმაც საფუძველი მისცა მიტინგის დარბევას. ძალის გამოყენების არანაირი საფუძველი არ არსებობდა. 20:00 საათზე დაიწყო დარბევა. კადრები, რომელსაც ავრცელებენ, დაიწყო 12:00 საათის შემდეგ, ამიტომ ძალადობა ხელისუფლებამ წაახალისა. ოპოზიციის გეგმაა მშვიდობიანი პროტესტით არ დავიღალოთ და ეს მაიმუნები ჩამოვაშოროთ ხელისუფლებას“, – განაცხადა პაატა მანჯგალაძემ.