ზელენსკის განცხადებით, უკრაინამ იაროსლავლის ნავთობგადამამუშავებელი ქარხანა დაბომბა

უკრაინის პრეზიდენტმა, ვოლოდიმირ ზელენსკიმ „ტელეგრამის“ საკუთარ არხზე დაწერა, რომ უკრაინის შეიარაღებულმა ძალებმა რუსეთის ქალაქ იაროსლავლში მდებარე ნავთობგადამამუშავებელი ქარხანა დაბომბა.

„იაროსლავლი უკრაინის სახელმწიფო საზღვრიდან დაახლოებით 700 კილომეტრში მდებარეობს. სანავთობო ინფრასტურქტურის ობიექტი, რომელსაც რუსული ომის დაფინანსებისთვის დიდი მნიშვნელობა ჰქონდა. მადლობას ვუხდი უკრაინის შეიარაღებულ ძალებს და ჩვენს სამხედრო დაზვერვას სამართლიანობის ასეთი დემონსტრირებისთვის“, - დაწერა ზელენსკიმ.

რუსეთმა უნდა აირჩიოს ნამდვილი მშვიდობა და მხოლოდ ძლიერი ზეწოლა უზრუნველყოფს ამას, დასძინა მან.