უკრაინის გენერალური შტაბი: კურსკის ოლქში, 11 000-ზე მეტი ჩრდილოეთ კორეელი სამხედრო იმყოფება

რუსეთის კურსკის ოლქში 11 000-ზე მეტი ჩრდილოკორეელი სამხედრო იმყოფება და მათ უკვე მიიღეს მონაწილეობა უკრაინის თავდაცვის ძალების წინააღმდეგ ბრძოლებში. ამის შესახებ უკრაინის შეიარაღებული ძალების გენერალური შტაბის უფროსი ანატოლი ბარგილევიჩი აცხადებს.

ბარგილევიჩის თქმით, ჩრდილოეთ კორეელი სამხედროები, რომლებიც რუსეთმა კურსკში გაგზავნა, საერთო-საჯარისო ქვედანაყოფები არიან.

„ისინი შორეული აღმოსავლეთის მკვიდრი მოსახლეობის სახელით არიან, შესაბამისი დოკუმენტები შენიღბული. მომზადებული არიან ევროპულ ნაწილში ოპერაციების საწარმოებლად“, – აღნიშნა ბარგილევიჩმა.

შეგახსენებთ, მანამდე სამხრეთ კორეის ეროვნული დაზვერვა იტყობინებოდა, რომ ჩრდილოკორეელი სამხედროები, რომლებიც ადრე რუსეთში გაგზავნეს, იმყოფებიან კურსკის ოლქში და უკვე აწარმოებენ საბრძოლო მოქმედებებს უკრაინის წინააღმდეგ.