რუსეთი თამბაქოს „ბლოკადაში“ მოექცა - მსხვილმა მწარმოებელმა კომპანიამ Philip Morris-მა ქვეყანაში წარმოება და მომარაგება შეამცირა

Philip Morris International Inc რუსეთში ინვესტიციებს აჩერებს, გარდა ამისა, კომპანია წარმოებასაც ამცირებს. 

კომპანიის აღმასრულებელი საბჭო რუსეთის ბაზრიდან გასვლაზე მუშაობს. Philip Morris International Inc-მა რუსეთში სიგარეტის რამდენიმე სახეობის შეტანა უკვე შეწყვიტა. შესაბამისად, ამცირებს კიდეც წარმოებას. ასევე, ქვეყანაში მარკეტინგული საქმიანობაც შეჩერდა. 

Philip Morris International-მა რუსეთში 2022 წლისთვის დაგეგმილი ყველა პროდუქტის შეტანა შეაჩერა, მათ შორის IQOS ILUMA-ც მოხვდა, რომელიც თავდაპირველად 2022 წლის მარტისთვის იყო დაგეგმილი.

"ჩვენ რუსეთში 3 200-ზე მეტ ადამიანი დავასაქმეთ. მართალია, ვაგრძელებთ მათთვის ხელფასის გადახდას და  ჩვენი კანონიერი ვალდებულებების შესრულებას, თუმცა ამავდროულად ვამცირებთ წარმოებას და ვეძებთ უმტკივნეულო გზებს, დავტოვოთ რუსეთის ბაზარი" - ამბობს კომპანიის აღმასრულებელი დირექტორი იაცეკი. 

რუსეთში კომპანიის მთლიანი პროდუქციის მოცულობის თითქმის 10% შედიოდა, ხოლო კომპანიის წმინდა შემოსავალი 6%-ს შეადგენდა.

ამის შესახებ კომპანიის განცხადებაშია ნათქვამი. კერძოდ:

1. ჩერდება რიგი სიგარეტის ნაწარმის გაშვება რუსეთის ბაზარზე და მცირდება წარმოება;2. შეჩერებულია Philip Morris International-ის მარკეტინგული საქმიანობა;3. უქმდება 2022 წელს დაგეგმილი პროდუქციის გაშვება რუსეთში, მათ შორის, Iqos Ilumia;4. 20 მილიარდზე მეტი Terea-ს წარმოების გეგმაც გაუქმდა, რითაც რუსეთის ბაზარმა 150 მილიონი აშშ დოლარის ინვესტიცია დაკარგა.