ბრიტანეთის საგარეო საქმეთა მინისტრი კიევში ჩავიდა

ბრიტანეთის საგარეო საქმეთა მინისტრი დევიდ ლემი კიევში ჩავიდა ორმხრივი თანამშრომლობისა და უკრაინის უსაფრთხოების საკითხების განსახილველად.

ამის შესახებ გაერთიანებულ სამეფოში უკრაინის ელჩმა, ვალერი ზალუჟნიმ სოციალურ ქსელში დაწერა.

„ჩვენ ვისაუბრებთ შემდგომ თანამშრომლობაზე და ერთობლივ პროექტებზე უკრაინის უსაფრთხოების გასაძლიერებლად. მადლიერი ვარ, რომ გაერთიანებული სამეფო ყოველთვის ჩვენთან არის ამ რთულ დროს“, – წერს ზალუჟნი სოციალურ ქსელში.