„60 წელიწადში ერთხელ მოდის“ - როგორ უნდა შევხვდეთ ცეცხლოვან ცხენის წელს
1764101350
სამშვიდობო მოლაპარაკებები ჩვენთვის მხოლოდ დიპლომატიური წვრთნა არ არის. ის ეროვნული გადარჩენის ტვირთს ატარებს. გულწრფელობა აუცილებელია და არ უნდა დავუშვათ, რომ დამამშვიდებელ ილუზიებში ჩავვარდეთ, – ამის შესახებ ნათქვამია უკრაინელი დეპუტატის ალექსეი გონჩარენკოს წერილში, რომელიც გამოცემა „ტელეგრაფში“ გამოქვეყნდა.
გონჩარენკოს თქმით, „სიმამაცეა წინააღმდეგობაში, ისევე როგორც სიცხადეში“.
„წლის დასასრულს უკრაინისთვის ერთ-ერთი ყველაზე მნიშვნელოვანი დებატი ფოკუში იკვეთება. ჩვენ არ შეგვიძლია, საკუთარ თავს მივცეთ ამ მომენტის ხელიდან გაშვების უფლება. სამშვიდობო მოლაპარაკებები ჩვენთვის მხოლოდ დიპლომატიური წვრთნა არ არის. ის ეროვნული გადარჩენის ტვირთს ატარებს. გულწრფელობა აუცილებელია და არ უნდა დავუშვათ, რომ დამამშვიდებელ ილუზიებში ჩავვარდეთ. ჩვენი, როგორც უკრაინელი პოლიტიკოსების მოვალეობაა, პირდაპირ ვესაუბროთ ჩვენს ხალხს. ძალა იზომება არა მხოლოდ ბრძოლის სურვილით, არამედ იმ ინტელექტითაც, რომ შეჩერდეთ, როდესაც ამის საფასური არსებობას საფრთხეს უქმნის. წინააღმდეგობაში სიმამაცეა, ისევე როგორც სიცხადეში“, – ნათქვამია წერილში.
წერილში გონჩარენკო აღნიშნავს, რომ ასეთ გზაგასაყარზე ყოფნისას, უკრაინამ უნდა იმოქმედოს სიმტკიცითა და სიზუსტით.
„პრაგმატიზმი და რეალიზმი და არა ფანტაზია, არა სურვილები – ჩვენი უახლოესი მოკავშირეებია. ილუზიები შეიძლება საბედისწერო იყოს. არარეალურმა მოლოდინებმა შეიძლება, ხელი შეუშალოს ტანჯვის დასრულების ერთადერთ რეალურ შანსს. რეალიზმი არ არის მარცხი. ამ ეტაპზე უკრაინას არ შეუძლია რუსეთის სამხედრო გზით დამარცხება. მილიონობით უკრაინელს გამარჯვება სურს, ნამდვილი გამარჯვება, სამართლიანობა და პასუხისმგებლობა. გვსურს, ჩვენი მტერი დაისაჯოს თავისი სისასტიკისა და ტერორისთვის, მაგრამ გულწრფელობა მნიშვნელოვანია. დასავლეთის უპრეცედენტო მხარდაჭერის, ჩვენი ურყევი ნების მიუხედავად, უფრო პატარა და სუსტ მხარედ ვრჩებით, მაგრამ არც რუსები იმარჯვებენ. ისინი ჩიხში არიან ჩარჩენილები. მიწის რამდენიმე მეტრს იკავებენ უზარმაზარი ადამიანური დანაკარგების ხარჯზე. მათი სტრატეგიაა ტერორი – საცხოვრებელი კორპუსების, საავადმყოფოების და ეკლესიების დაბომბვა. მათ ვერ შეძლეს კიევის აღება“, – აღნიშნავს გონჩარენკო.
როგორც უმაღლესი რადას წევრი წერს, რუსეთის მუდმივი ზეწოლა დრონებით, სარაკეტო დარტყმებით უკრაინელების თავზე შავი ღრუბელივით კიდია.
მისი თქმით, „უკრაინა გზის გასაყარზე დგას, სადაც გამბედაობა ხვდება დაღლილობას და სადაც სტრატეგიამ ემოცია უნდა ჩაანაცვლოს“.
„მნიშვნელოვანია, რომ საბოლოოდ გამოჩნდა სამშვიდობო შეთანხმების პროექტი. ის წარმოადგენს მნიშვნელოვან სამუშაოს და რთული საუბრების შედეგს, თუმცა კიდევ ერთხელ, ჩვენ რეალიზმით უნდა ვიხელმძღვანელოთ. შეთავაზებაში რამდენიმე ელემენტი მიუღებელია უკრაინისთვის – ძირითადი პრინციპები, რომელთა მიტოვებაც არ შეგვიძლია და არც ვაპირებთ. არსებობს ოთხი საკვანძო პუნქტი: ტერიტორია, არმია, უსაფრთხოების გარანტიები და ევროპული ინტეგრაცია“, – წერს გონჩარენკო.
გონჩარენკოს განცხადებით, შეთანხმებაში საუბარია არმიის ზომის შეზღუდვაზე. მისივე თქმით, მასში ნახსენებია 800 000 სამხედრო მოსამსახურე და ეს რიცხვი ნამდვილად მნიშვნელოვანია. როგორც ალექსეი გონჩარენკო აღნიშნავს, უკრაინას სჭირდება პროფესიონალური, თანამედროვე შეიარაღებული ძალები, რომლებსაც შეუძლიათ მომავალი აგრესიის შეკავება და იმის უზრუნველყოფა, რომ არცერთი მტერი აღარასდროს დაესხას თავს.
„არმიის გარეშე არ არსებობს სუვერენიტეტი, არ არსებობს საზღვრები, არ არსებობს მომავალი. ამერიკის შეერთებული შტატები ერთადერთი ქვეყანაა, რომელსაც შეუძლია ასეთი გარანტიების უზრუნველყოფა. ამერიკულ გარანტიებს რეალური წონა აქვს. ასევე მნიშვნელოვანია, რომ კონგრესში ამ დოკუმენტზე კენჭისყრას შესაძლოა, მნიშვნელოვანი ძალა ჰქონდეს. მან შეიძლება განსაზღვროს უკრაინის ბედი მომავალი ათწლეულების განმავლობაში. ევროპული ინტეგრაცია კიდევ ერთი ქვაკუთხედია. ევროკავშირის წევრობა სიმბოლური არ არის. ის ერთადერთი სტრუქტურული საყრდენია, რომელსაც შეუძლია მომავალში უკრაინის მხარდაჭერა. თავის მხრივ, უკრაინას ასევე შეუძლია, გააძლიეროს ევროკავშირი თავისი გამოცდილებით, სამხედრო ცოდნითა და ეკონომიკური პოტენციალით. დიახ, ჩვენ გვჭირდება რეკონსტრუქცია, მაგრამ შემიძლია, დაგარწმუნოთ: უკრაინელებს ღრმად სწყურიათ ომის დასრულება და ნორმალური ცხოვრების დაბრუნება: მუშაობა, მომავალში ინვესტირება, ბიზნესის განვითარება და ეკონომიკის ზრდა. ყველა ამ მიზეზის გამო, დიპლომატია ახლა სრული დატვირთვით უნდა მუშაობდეს. უკრაინას უნდა შეეძლოს თავისი წითელი ხაზების ჩამოყალიბება, საჭიროებების მკაფიოდ განსაზღვრა და ილუზიების გარეშე მოლაპარაკება. ახლა არ არის შელამაზებული ნარატივების დრო. ეს არის ფხიზელი ანალიზის დრო. წლების განმავლობაში უკრაინას დემოკრატიის ტრიუმფის შესახებ ზღაპრებს უყვებოდნენ, თითქოს მხოლოდ სიტყვებს შეეძლო ჩვენი დაცვა, თუმცა ჩვენ არა სიტყვით გამოსვლებით, არამედ რაკეტებით, ტანკებით, საჰაერო თავდაცვის სისტემებით ვიყავით დაცულნი. ახლა კი ეს საკმარისი არ არის. რეალობამ რიტორიკა უნდა ჩაანაცვლოს“, – წერს გონჩარენკო.
უკრაინელი დეპუტატის განცხადებით, უკრაინამ ნათლად უნდა ჩამოაყალიბოს თავისი დიპლომატიური სტრატეგია: „შეზღუდვების აღიარება არ ნიშნავს დამარცხების მიღებას“.
