ზელენსკი: რუსეთის მიერ უკრაინაზე დარტყმა ეს არის დარტყმა ევროპაზე, პრეზიდენტ ტრამპსა და სხვა გლობალურ სუბიექტებზე

კიევზე განხორციელებული თავდასხმა უკრაინის პრეზიდენტისთვის კიდევ ერთი დასტურია, რომ რუსეთს ომის დასრულება არ სურს. ვოლოდიმირ ზელენსკის თქმით, „ეს არის დარტყმა ევროპაზე, ასევე დარტყმაა პრეზიდენტ ტრამპსა და სხვა გლობალურ სუბიექტებზე.

„28 აგვისტოს დარტყმა აშკარად აჩვენებს, რომ რუსეთის მიზნები რეალურად არ შეცვლილა. მათ ომი სურთ და ურტყამენ არა მხოლოდ ჩვენს ხალხს, ჩვენს ქალაქებს და სოფლებს, რუსეთი ახლა ურტყამს ყველას მსოფლიოში, ვინც მშვიდობისკენ მიისწრაფვის. ვაშინგტონში ჩვენ გვესმოდა, რომ პუტინი თითქოსდა მზად არის ომის დასრულებისთვის - ლიდერების დონეზე შეხვედრისა და საკვანძო საკითხების მოგვარებისთვის. მაგრამ ის ბალისტიკურ რაკეტებს ირჩევს მშვიდობისკენ რაიმე რეალური ნაბიჯების ნაცვლად. ეს დარტყმაა ევროპაზე, ასევე ეს რუსეთის დარტყმაა პრეზიდენტ ტრამპსა და სხვა გლობალურ სუბიექტებზე“, - აცხადებს ზელენსკი.