თურქეთის სასამართლომ პატიმრობაში მყოფი სტამბოლის მერის დაკავების კიდევ ერთი ორდერი გასცა

თურქეთის სასამართლომ პატიმრობაში მყოფი სტამბოლის მერის, ეკრემ იმამოღლუს, დაკავების კიდევ ერთი ორდერი გასცა. ამჯერად საქმე მის წინააღმდეგ "პოლიტიკური ჯაშუშობის" ბრალდებით დაიწყო.

ოპოზიციონერ პოლიტიკოსს ბრალად ედება კორუფციული გზით საპრეზიდენტო კამპანიისთვის სახსრების მოძიება და საერთაშორისო მხარდაჭერის მოპოვების მიზნით ჯაშუშობა.

ახალი გამოძიების დაწყების შემთხვევაში, თურქეთის სასამართლო პრაქტიკა უკვე პატიმრობაში მყოფი პირის მიმართ დაკავების ფორმალური ორდერის გაცემას ითვალისწინებს.

ეკრემ იმამოღლუ ახალ ბრალდებებს უარყოფს.