„ცეცხლის სწრაფ გავრცელებას ხელი შეუწყო დარბაზის დიზაინმა...“ - საბედისწერო ქორწილის ტრაგედიის პირველადი მიზეზები ცნობილია

რამდენიმე დღის წინ ერაყში, ქორწილში მომხდარმა უბედურმა შემთხვევამ მთელი მსოფლიო შეძრა. 

ფოიერვერკების შედეგად გაჩენილ ხანძარს 120 სტუმრის სიცოცხლე ემსხვერპლა - 200-მდე კი დაშავდა. დაშავებულთაგან 50-ის მდგომარეობა მძიმეა. ხანძარს ნეფე-დედოფალი გადაურჩა.

ABC News-ის მიერ დამოწმებული და ხანძრის გამომძიებლის მიერ გადამოწმებული ვიდეოები ცხადყოფს ადგილზე ცეცხლის გაჩენის საშიშროებას. 

ერაყის შინაგან საქმეთა სამინისტროს მიერ ხანძრის გაჩენიდან ოთხი დღის შემდეგ გამოქვეყნებულ მოხსენებაში ხაზგასმულია, რომ ხანძარი დარბაზის ცენტრში ოთხი პიროტექნიკური მოწყობილობის გამოყენებას მოჰყვა. მოხსენების თანახმად, ნაპერწკლების სიმაღლე ოთხ მეტრს აღწევდა.

გადაწყვეტილებამ გამოიწვია ზოგიერთი დამკვირვებლის აღშფოთება. ისინი აცხადებდნენ, რომ მოწყობილობები იყო „ცივი“ პიროტექნიკა, რომელიც არ ასხივებდა ცეცხლს. 

ABC News-მა გაიარა კონსულტაცია ცივი პიროტექნიკის მცოდნე პირთან, რომელმაც თქვა, რომ მსგავსი პიროტექნიკა მაინც შეიძლება იყოს სახიფათო, თუ დაცული არ არის დისტანციას  და ნაპერწკლები მოხვდება აალებადი მასალასთან. უსაფრთხოების კადრებში ხანძრის დაწყებამდე ერთი წუთით ადრე გადაღებულ ვიდეოში ნაპერწკლებიც ჩანს.

ამასთან, ექსპერტების აზრით, ცეცხლის სწრაფ გავრცელებას ხელი შეუწყო შენობის ჭერმა და იმ დიზაინმა, რომელიც მთელ დარბაზში იყო გაკეთებული. ექსპერტმა დაადგინა, რომ ცეცხლის გაჩენიდან რამდენიმე წუთში ჭერიდან მასალა ჩამოვარდა, რომელმაც დააჩქარა მოვლენები. იგი ასევე თვლის, რომ კვამლი გავრცელდა კონდიციონერების მიერაც, რომელიც ხედვას აუარესებდა. 

გამოძიების შედეგად ადგილის მფლობელი დაადანაშაულეს, ასევე გამოვლინდა სხვა რამდენიმე პირის ბრალეულობაც.

ნახეთ: „ჩემმა ცოლმა მეტყველების უნარი დაკარგა... შინაგანად, ორივე მკვდრები ვართ" - საბედისწერო ქორწილში გადარჩენილი ნეფე-პატარძალი, რომლებიც დაღუპულები ეგონათ