ტრამპი აქვეყნებს ფოტოს, რომელზეც მისი და ვლადიმერ პუტინის, ასევე რიჩარდ ნიქსონისა და ნიკიტა ხრუშჩოვის შეხვედრებია ასახული

დონალდ ტრამპი სოციალურ ქსელში მისი და ვლადიმერ პუტინის ფოტოსთან ერთად, რიჩარდ ნიქსონისა და ნიკიტა ხრუშჩოვის ფოტოს აქვეყნებს.

პირველ ფოტოზე ალასკაში დონალდ ტრამპი და მისი რუსი კოლეგა, ვლადიმერ პუტინი არიან. მეორე ფოტოზე კი მაშინდელი აშშ-ს ვიცე პრეზიდენტი, რიჩარდ ნიქსონი და სსრკ-ის მინისტრთა საბჭოს თავმჯდომარე ნიკიტა ხრუშჩოვი არიან. ლიდერების მეორე ფოტო 1959 წლის 24 ივლისს, მოსკოვში, გორკის პარკში ამერიკული ეროვნული გამოფენის გახსნის დროს არის გადაღებული.

ასევე საინტერესოა ის ფაქტიც, რომ კადრი აღბეჭდილია ნიქსონისა ხრუშჩოვის კამათის დროს, თემა კომუნიზმი და კაპიტალიზმი იყო. ფოტო ასევე ცნობილია როგორც „სამზარეულოს დებატები“, რადგან ლიდერები ამერიკული სამზარეულოს მაკეტის წინ იდგნენ.