სამხრეთ თურქეთში ძლიერ მიწისძვრას ნგრევა მოჰყვა - ვრცელდება ინფორმაცია დაშავებულებზეც

სამხრეთ თურქეთში, სირიის საზღვართან ძლიერ მიწისძვრას ნგრევა მოჰყვა. 

როგორც „ბიბისი“ ჰათაის მერზე დაყრდნობით წერს, ხალხი ნანგრევებშია მოყოლილი.

ამასთან, თურქეთის ვიცე-პრეზიდენტის, ფუატ ოქტაის განცხადებით, მიწისძვრის შედეგად, სულ მცირე, რვა ადამიანია დაშავებული.

თურქული მედიის ცნობით, 6,4 მაგნიტუდის სიმძლავრის მიწისქვეშა ბიძგები ჰათაის პროვინციაში ადგილობრივი დროით 20:04 საათზე დაფიქსირდა. 

შეგახსენებთ,  6 თებერვალს მომხდარ მიწისძვრას თურქეთში 41 ათასზე მეტი ადამიანის სიცოცხლე ემსხვერპლა, სირიაში კი, 4 500-ზე მეტი ადამიანი.