საფრანგეთში საყოველთაო გაფიცვა და დემონსტრაციები დაიწყო. ვრცელდება ინფორმაცია პოლიციასთან შეტაკებების შესახებ

საფრანგეთში დღეს დილიდან საყოველთაო გაფიცვა და დემონსტრაციები დაიწყო. ინფორმაციას ფრანგული მედია ავრცელებს.

აქციის მონაწილეები საფრანგეთის საბიუჯეტო გეგმას ეწინააღმდეგებიან, რომელიც ხარჯების შემცირებას ითვალისწინებს.

როგორც ფრანგული მედია წერს, სავარაუდოდ, ეს ბოლო წლების ერთ-ერთი ყველაზე მასშტაბური აქცია იქნება. დემონსტრაციებზე 800 ათასამდე ადამიანს ელოდებიან.

სტუდენტებმა და მოსწავლეებმა უკვე დაიწყეს საკუთარი სასწავლო დაწესებულებების პიკეტირება. ვრცელდება ინფორმაცია პარიზის გარეუბანში პოლიციასთან შეტაკებების შესახებ.

მედიის ცნობით, გაფიცვა ასევე გავლენას მოახდენს სკოლების, ტურისტული ობიექტებისა და ტრანსპორტის მუშაობაზე.