რუსეთში საპარლამენტო არჩევნები დასრულდა - ცნობილია პირველადი შედეგები

რუსეთში საპარლამენტო არჩევნები დასრულდა, კენჭისყრის პირველადი შედეგები უკვე ცნობილია.

ადგილობრივი სახელმწიფო მედიის მიერ გამოქვეყნებული ეგზიტპოლების თანახმად, ვლადიმერ პუტინის მმართველი გუნდი, „ერთიანი რუსეთი“, ამომრჩეველთა ხმების 49,06%-ის მოპოვებას შეძლებს. დასავლური პრესა აღნიშნავს, რომ ეს შედეგი ოდნავ ჩამოუვარდება წინა საპარლამენტო არჩევნების მაჩვენებელს, სადაც მმართველმა პარტიამ 49,8% დააგროვა.

წინასწარი პროგნოზით, მეორე პოზიციას 12, 26%-ით რუსეთის ფედერაციის კომუნისტური პარტია იკავებს.

რუსეთის ცენტრალური საარჩევნო კომისიის ინფორმაციით, არჩევნებზე ამომრჩეველთა აქტივობამ 56%-ს გადააჭარბა.