რუსეთის ძალებმა ქალაქ ზაპოროჟიესა და ზაპოროჟიეს რაიონზე დარტყმები განახორციელეს, დაშავებულია, სულ მცირე, 26 ადამიანი

რუსეთის ძალებმა ქალაქ ზაპოროჟიესა და ზაპოროჟიეს რაიონზე სამი დარტყმა განახორციელეს.

სამხედრო საოლქო ადმინისტრაციის ხელმძღვანელის ივან ფედოროვის ცნობით, დაშავებულია, სულ მცირე, 26 ადამიანი, მათ შორის ერთი ბავშვი.

ადგილობრივი ხელისუფლების ინფორმაციით, რუსეთმა საავიაციო მართვადი ბომბებით მიიტანა იერიში.

დანგრეულია საცხოვრებელი სახლები, დაზიანებულია ინფრასტრუქტურის ობიექტი და სასწავლო დაწესებულება. ოლქში საჰაერო განგაში გრძელდება. უკრაინის საჰაერო ძალები მოსახლეობას მტრის მიერ გაშვებული საავიაციო ბომბებისა და დრონების შესახებ აფრთხილებენ.