რა ვითარებაა ჰორმუზის სრუტეში, სადაც მსოფლიო ნავთობის მეხუთედი გადის

აშშ-სა და ისრაელის მიერ ირანზე საჰაერო დარტყმების შემდეგ, ნავთობის ტანკერების რაოდენობა განზრახ ერიდება ჰორმუზის სრუტეში ტრანზიტს, რომელიც ნავთობით მდიდარ სპარსეთის ყურეს საერთაშორისო წყლებთან აკავშირებს. მიუხედავად იმისა, რომ სრუტე ტექნიკურად ღიაა და ზოგიერთი გემი აგრძელებს გავლას, Bloomberg-ის თვალთვალის მონაცემები აჩვენებს, რომ ტანკერები გროვდებიან როგორც შესასვლელში, ასევე მის გარეთ. 

ჰორმუზის სრუტე მსოფლიოში ნავთობის გადამტანი ყველაზე კრიტიკული წერტილია, სადაც ყოველდღიურად საზღვაო გზით მსოფლიოს ნავთობის დაახლოებით მეხუთედი და ბუნებრივი აირის მნიშვნელოვანი ნაწილი გადის. დაძაბულობის მიუხედავად, ორმა საზღვაო დამკვირვებელმა დაადასტურა, რომ საზღვაო ნაკადები არ შეჩერებულა, თუმცა დაკვირვებამ აჩვენა, რომ ტრანზიტი შემცირებულია. 

აშშ-ისრაელის დარტყმების და ირანის საპასუხო იერიშების შემდეგ ნავთობის ფასები უკვე გაიზარდა. ნავთობის ძირითადი ფიუჩერსული ბაზრები შაბათს და კვირას დაიხურა, რეალურ დროში ბაზარზე გავლენა ნაწილობრივ დაფარულია, თუმცა, საცალო სავაჭრო პლატფორმებმა, როგორიცაა IG Group Ltd., განაცხადეს, რომ West Texas Intermediate-ის ფასმა ბარელზე 75.33 დოლარს მიაღწია, რაც პარასკევის მაჩვენებელთან შედარებით 12%-მდე ზრდაა.

გემების თვალთვალის მონაცემები მიუთითებს, რომ სრუტის გვერდის ავლის მიზნით, მინიმუმ სამმა თხევადი ბუნებრივი აირის (LNG) ტანკერმა შეაჩერა მოგზაურობა. მსოფლიოში თხევადი ბუნებრივი აირის სიდიდით მეორე ექსპორტიორი კატარია, რომელმაც გასულ წელს გლობალური თხევადი ბუნებრივი აირის მიწოდების დაახლოებით 20% დაფარა. მისი ტვირთები აზიასა და ევროპაში მყიდველებამდე მისასვლელად სწორედ ჰორმუზის გავლით ხვდება.