რა მოხდება, თუ ფრენის დროს თვითმფრინავის რეჟიმს არ ჩართავთ - პილოტი განმარტავს

ფრენა ტრანსპორტირების ერთ-ერთი ყველაზე უსაფრთხო საშუალებაა. მიუხედავად იმისა, რომ ფრენის დროს ზოგიერთი ნაბიჯი შეიძლება რუტინულად ან არასაჭიროდ მოგეჩვენოთ, თითოეული მათგანი მნიშვნელოვანია მგზავრებისა და ეკიპაჟის უსაფრთხოებისთვის.

პილოტმა განმარტა, თუ რატომ არის მნიშვნელოვანი ტელეფონის „თვითმფრინავის რეჟიმში“ გადაყვანა და რა მოხდება, თუ ამას არ გააკეთებთ.

„თუ ტელეფონის თვითმფრინავის რეჟიმში გადაყვანა დაგავიწყდებათ, ეს სამყაროს დასასრული არ არის, თვითმფრინავი ციდან არ ჩამოვარდება და ეს ბორტზე არსებულ სისტემებზე გავლენასაც კი არ მოახდენს“, - თქვა მან.

ამავდროულად, პილოტი გვირჩევს, არ უგულებელვყოთ ეს პროცედურა, რადგან საფრთხის რისკი მაინც არსებობს.

„ამან შეიძლება ყურსასმენების მუშაობას შეუშალოს ხელი. თუ თვითმფრინავში 70, 80 ან 150 ადამიანი იმყოფება და სამი ან ოთხი ადამიანიც კი ცდილობს რადიოანძასთან კომუნიკაციას შემომავალი ზარის დროს, ეს იწვევს რადიოტალღების გამოსხივებას. არსებობს შესაძლებლობა, რომ ამ რადიოტალღებმა ხელი შეუშალოს ყურსასმენების მუშაობას, რომლებსაც პილოტები იყენებენ“, - განმარტა პილოტმა.

მან ასევე გააზიარა ასეთი შემთხვევების გამოცდილება და აღნიშნა, რომ ყურსასმენებში გამაღიზიანებელი ხმა ისმოდა, „კოღოს ზუზუნის მსგავსი“.

„ეს სამყაროს დასასრული არ არის, მაგრამ საკმაოდ შემაწუხებელია, როდესაც ინსტრუქციების ჩაწერას ცდილობ, ირგვლივ კი რაღაც ზუზუნებს. ასე რომ, თუ ოდესმე დაფიქრებულხართ, რატომ გჭირდებათ თვითმფრინავის რეჟიმის ჩართვა, პასუხი მარტივია“, - ხაზგასმით აღნიშნა ექსპერტმა.