პედოფილი ფეხბურთის მწვრთნელი, რომელმაც არაერთხელ იძალადა 10 წლის ბიჭზე, დააკავეს დანაშაულის ჩადენიდან 40 წლის შემდეგ

74 წლიოს გლენ ლენგრიში დააკავეს ჰითროუს აეროპორტში, სტივენ ლუისზე  სექსუალური ძალადობისთვის, რომელიც ახლა 51 წლისაა. 1980-იან წლებში, გლენმა 10 წლის სტივენი დაასაქმა თავის გაზონის სათიბების სარემონტო მაღაზიაში, დასავლეთ სასექსში.

ყოფილი ფეხბურთის მწვრთნელი დაუკავშირდა მისტერ ლუისს 1983 წელს, მოკლე ტალღის რადიოს საშუალებით და საბოლოოდ მოაწყო ბავშვთან შეხვედრა.
ლენგრიშმა მისტერ ლუისს შაბათ-კვირას სამუშაო მისცა მაღაზიაში, სადაც მან სექსუალური შეურაცხყოფა მიაყენა.

შეურაცხყოფა საბოლოოდ შეწყდა 1989 წელს, როდესაც ლენგრიში დააპატიმრეს ბავშვების წინააღმდეგ სექსუალური დანაშაულისთვის.
1994 წელს, ციხიდან გამოსვლის შემდეგ, ის გაიქცა ქვეყნიდან, გადავიდა შვედეთში და სახელი შეიცვალა.

მისტერ ლუისმა შეატყობინა სასექსის პოლიციას 2011 წელს, შეურაცხყოფის შესახებ და ლანგრიშის საერთაშორისო ძებნა დაიწყო.

ხუთი წლის შემდეგ ინტერპოლმა აღმოაჩინა, რომ ის ცხოვრობდა შვედეთში, ვენდელსოში და ჰქონდა შვედეთის მოქალაქეობა.

ის შვედეთის პოლიციამ დაკითხა, მაგრამ როგორც შვედეთის მოქალაქე, დაცული იყო გაერთიანებულ სამეფოში ექსტრადირებისგან.

2023 წლის მაისში, საბოლოოდ გაჩნდა მისი დაკავების შესაძლებლობა, რადგან სასექსის პოლიციას შეატყობინეს, რომ ის პოლონეთში ჩავიდა.

ის პოლონეთიდან მეტროპოლიტენის ექსტრადიციის ჯგუფმა გასული წლის 5 ივლისს ჩამოიყვანა და იმავე დღეს დააკავეს ჰითროუს აეროპორტში.

შემდგომში ლენგრიშს ბრალი წაუყენეს ბავშვის მიმართ უხამსი მოპყრობის ოთხი მუხლით და ბავშვის მიმართ უხამსი შეურაცხყოფის ოთხი პუნქტით, ყველა მათგანში დამნაშავედ ცნეს.

პარასკევს Hove Crown სასამართლოში მას მიესაჯა 15 წლით თავისუფლების აღკვეთა და კიდევ სამი წლით თავისუფლების აღკვეთა. - წერს dailymail

ასევე ნახეთ: 

კლავდა და აუპატიურებდა უბედურ ქალებს - ციხეში დასრულებული "მკვლელი სანტას" ისტორია

სწავლობდა შავ მაგიას, სურდა მექსიკის მეფობა და დაწვეს კოცონზე - ვინ იყო ნამდვილი ზორო