ნეთანიაჰუ: ჩვენ კიდევ გვაქვს მისაღწევი მიზნები, თითი სასხლეტზეა

აშშ-სა და ირანს შორის ცეცხლის შეწყვეტის შესახებ შეთანხმების გამოცხადების შემდეგ, ისრაელის პრემიერ-მინისტრმა, ბენიამინ ნეთანიაჰუმ ვიდეომიმართვა გაავრცელა. პრემიერის განცხადებით, მიუხედავად მიღწეული შეთანხმებისა, ისრაელს კვლავ აქვს სტრატეგიული ამოცანები, რომელთა შესრულებაც გარდაუვალია.

ნეთანიაჰუ ხაზგასმით აღნიშნავს, რომ ისრაელი დასახულ მიზნებს აუცილებლად მიაღწევს. „ჩვენ მათ შევასრულებთ ან შეთანხმების გზით, ან განახლებული ბრძოლით“, - განაცხადა მან.

პრემიერმა მკაფიოდ მიანიშნა, რომ ცეცხლის შეწყვეტა არ ნიშნავს პროცესის დასრულებას. მისი თქმით, ისრაელი „მზად არის ნებისმიერ დროს დაუბრუნდეს ბრძოლას“.

ნეთანიაჰუმ რეგიონულ აქტორებს მკაცრი გაფრთხილება მისცა და აღნიშნა, რომ ქვეყანა სრულ საბრძოლო მზადყოფნაშია: „თითი სასხლეტზეა“.