მოსკოვის სასამართლომ რუსული წარმოშობის ამერიკელ ჟურნალისტს 6,5 წლით თავისუფლების აღკვეთა მიუსაჯა

რუსეთში, მოსკოვის სასამართლომ, რუსული წარმოშობის ამერიკელ ჟურნალისტს, ალსუ კურმაშევას 6,5 წლით თავისუფლების აღკვეთა მიუსაჯა. ინფორმაციას Reuters-ი ავრცელებს.

სასამართლომ კურმაშევა რუსული არმიის შესახებ არასწორი ინფორმაციის გავრცელებაში ცნო დამნაშავედ.

სასამართლოს წარმომადგენლის განცხადებით, სასამართლომ გადაწყვეტილება ორდღიანი მსჯელობის შემდეგ მიიღო.

რუსეთის სასამართლომ, წინა კვირას, ამერიკის მოქალაქე კიდევ ერთი ჟურნალისტი ევან გერშკოვიჩი ცნო დამნაშავედ და მას 16 წლით თავისუფლების აღკვეთა მიუსაჯა. სასამართლო გერშკოვიჩს ჯაშუშობას ედავებოდა.