მივესალმები აშშ-სა და ირანს შორის მიღწეულ შეთანხმებას, ეს მნიშვნელოვანი ნაბიჯია დეესკალაციისკენ - ურსულა ფონ დერ ლაიენი

მივესალმები აშშ-სა და ირანს შორის გასულ ღამეს მიღწეულ შეთანხმებას, უმნიშვნელოვანესია, რომ ამ კონფლიქტის მდგრადი გადაწყვეტის მიზნით მოლაპარაკებები გაგრძელდეს, – ამის შესახებ ევროკომისიის პრეზიდენტი ურსულა ფონ დერ ლაიენი სოციალურ ქსელში წერს.

ურსულა ფონ დერ ლაიენმა მადლობა გადაუხადა პაკისტანს შუამავლობისთვის.

„მივესალმები აშშ-სა და ირანს შორის გასულ ღამეს მიღწეულ ორკვირიან ცეცხლის შეწყვეტის შეთანხმებას, ეს მნიშვნელოვანი ნაბიჯია დეესკალაციისკენ. მადლობას ვუხდი პაკისტანს შუამავლობისთვის. ახლა უმნიშვნელოვანესია, რომ ამ კონფლიქტის მდგრადი გადაწყვეტის მიზნით მოლაპარაკებები გაგრძელდეს. ჩვენ გავაგრძელებთ ამ მიმართულებით კოორდინაციას ჩვენს პარტნიორებთან”, – წერს ევროკომისიის პრეზიდენტი.