კირილ დმიტრიევი: დონალდ ტრამპი და მისი გუნდი რეალური გადაწყვეტისკენ ისწრაფვიან, დაე, ამ დიდ დღეს მშვიდობამ გაიმარჯვოს

დონალდ ტრამპი და მისი გუნდი რეალური გადაწყვეტისკენ ისწრაფვიან, დაე, ამ დიდ დღეს მშვიდობამ გაიმარჯვოს, – ამის შესახებ რუსეთის პირდაპირი ინვესტიციების ფონდის აღმასრულებელმა დირექტორმა, კირილ დმიტრიევმა განაცხადა.

დმიტრიევმა სოციალურ ქსელში გააზიარა აშშ-ის პრეზიდენტის განცხადება, სადაც დონალდ ტრამპი წერს, რომ დღეს აშშ-სთვის დიდი დღეა.

„ტრამპი და მისი გუნდი რეალური გადაწყვეტისკენ ისწრაფვიან. დაე, პრობლემის გადაჭრამ და მშვიდობამ გაიმარჯვოს ამ დიდ დღეს“, – დაწერა დმიტრიევმა.

შეგახსენებთ, დღეს ვაშინგტონში აშშ-ის პრეზიდენტი დონალდ ტრამპი ვოლოდიმირ ზელენსკის ადგილობრივი დროით 13:15 საათზე შეხვდება, დაახლოებით ერთსაათიანი შეხვედრის შემდეგ კი ისინი ევროპელ ლიდერებს შეხვდებიან.