ირანის პრეზიდენტი: შეერთებული შტატების პრეზიდენტმა ტერორისტებად მოგვიხსენია - ჩვენ თავად გავხდით ტერორიზმის მსხვერპლნი

ირანის პრეზიდენტმა, მასუდ პეზეშკიანმა გაეროს გენერალურ ასამბლეაზე სიტყვით გამოსვლა ომის დასაწყისში ირანულ სკოლაზე აშშ-ის მიერ განხორციელებული იმ იერიშის ხაზგასმით დაიწყო, რომელსაც მსხვერპლი მოჰყვა.

„შეერთებული შტატების პრეზიდენტმა ტერორისტებად მოგვიხსენია“, - განუცხადა მან მსოფლიო ლიდერებს. - „ჩვენ თავად გავხდით ტერორიზმის მსხვერპლნი“.

პეზეშკიანმა აღნიშნა, რომ ის ჩამოვიდა „ირანიდან, სადაც, სინამდვილეში, სკოლა დაბომბეს. ხედავთ ამ ბავშვებს, ეს ბავშვები შეერთებული შტატებისა და ისრაელის მიერ გამოყენებული იარაღის ბომბებს ემსხვერპლნენ“.

ირანელი ოფიციალური პირების ცნობით, 28 თებერვალს, სამხრეთ ქალაქ მინაბში მდებარე სკოლაზე განხორციელებული დარტყმის შედეგად დაღუპულებს შორის, სულ მცირე, 120 ბავშვი და 26 მასწავლებელი იყო.

„ისინი უდანაშაულოები იყვნენ, არანაირი დანაშაული არ ჩაუდენიათ“, - განაცხადა პეზეშკიანმა.