გიდეონ საარი: ჩვენ უკვე გავიმარჯვეთ, თუმცა გავაგრძელებთ, ვიდრე მისია არ დასრულდება, საჭიროა მოთმინება

ისრაელმა ირანთან ომი მოიგო, მაგრამ მიზნები კვლავ მიუღწეველია, – ამის შესახებ ისრაელის საგარეო საქმეთა მინისტრმა, გიდეონ საარმა განაცხადა.

პრესკონფერენციაზე საუბრისას საარმა აღნიშნა, რომ ისრაელი ცდილობს „ეგზისტენციალური საფრთხეების“ აღმოფხვრას და ეს გაგრძელდება, ვიდრე მიზნები მიღწეული არ იქნება.

„ჩვენ უკვე გავიმარჯვეთ. ეს ჩვენთვის და ჩვენი მეზობლებისთვის ნათელია, მაგრამ ჩვენ გავაგრძელებთ, ვიდრე მისია არ დასრულდება. საჭიროა მოთმინება. ჩვენ ძალიან მნიშვნელოვან საქმეს ვაკეთებთ“, – განაცხადა საარმა.